《愛．回家》天馬行空聖誕源於中原？！ 搞笑劇情重回古代楊明貢品都跌埋

《愛．回家之開心速遞》一班成員，呢日齊齊著晒古裝，但係又以英文祝大家聖誕快樂，硬係好似有少少怪咁，不過呢部晚晚為大家帶來唔少歡笑嘅處境劇，向來都有突破劇情，呢次熊家就會同大家一齊疑幻似真咁研究佳節起源喇。

《愛．回家》近日嘅古裝劇情竟涉及聖誕起源
丹爺 根叔 仲會扮演世上第一個聖誕老人，天馬行空講起都搞笑，至於會唔會再好似當年《皆大歡起》咁有古裝版，豹哥就因為擔心古裝扮相花時間而即刻反對，阿滕就認為自己外貌唔似古代美人，反而係經驗豐富嘅丹爺話冇有怕咁話。
楊明就扮演番邦使者，點知就出事連貢品都唔見埋

楊明呢次就扮演番邦使者，向皇上進貢夜明珠，但係同兩位拍檔就蝦碌連貢品都唔見埋。明明成班演員都係古裝，但係 林漪娸 同 羅皓誼 打扮就非常現代，原來故事交代佢哋由西方國家重返中原，所以妝扮就相對時髦得多喇。

林漪娸同羅皓誼就係來自法蘭西嘅美女