在家宴客50道菜｜龔嘉欣向大廚偷師廚藝升呢 邵德龍願推薦好人選促脫單

由 龔嘉欣 主持嘅節目《在家宴客50道菜》每集都會邀請唔同名廚大顯身手，而其中一位就係邵德龍師傅喇！嘉欣雖然主要喺各位大廚身邊幫吓手，不過都學到唔少，令廚藝都升咗呢！嘉欣自認自己觀念傳統，覺得女仔需要有一手好廚藝，所以都想學好烹飪。

龔嘉欣主持《在家宴客50道菜》跟唔同師傅學藝
呢次自己喺邵師傅身邊學到切薑技巧，雖然聽落簡單，但要做好都有難度，而邵師傅更鬼馬邀請嘉欣同佢合作開餐廳，由嘉欣主持大局，自己就負責監製。 嘉欣單身多年，感情狀況一直備受大家關注，就連邵師傅都話自己身邊有唔少既有潛質、又識下廚嘅好人選可以推薦俾嘉欣，令嘉欣都好開心，仲話會努力學識煮一手好菜，令自己更加分。

呢日邵師傅仲話要介紹好男仔俾佢