周柏豪現身南京聖誕活動 自爆野生捕獲佢嘅最佳地點

周柏豪呢日去到南京出席聖誕活動，吸引唔少fans到場，柏豪亦好識做，化身聖誕老人對fans嘅聖誕願望有求必應，同全場fans自拍外，又扮可愛聖誕造型同大家合照，就連合唱要求佢都來者不拒。

周柏豪日前到南京出席活動，同Fans近距離見面
同南京fans過完聖誕，柏豪就會趕返香港陪家人度佳節，佢話屋企已經佈置好晒等佢返去，而之前亦同家人、小朋友去完旅行，所以今次會簡簡單單成家人一齊食下飯。
佢片話要趕返屋企同家人見面一齊過節

雖然平日為咗工作要中港兩邊走，不過放假時柏豪就話自己會回歸家庭，會同小朋友去公園玩，又會親自揸車送小朋友返學，柏豪又自爆成日會去商場shopping，所以大家有唔少機會喺香港或者廣東地區嘅商場可以野生捕獲佢呀。