異空感應｜陳家樂與何啟南激戰打到爆缸 陳曉華被武指激將法衝擊柔弱一面

劇集《異空感應》12月27號晚播出大結局，結尾會將一直追蹤嘅連環殺人案兇手謎底揭開。而喺過和程中陳曉華Hera就被何啟南綁架，獲陳家樂Carlos奮力拯救，兩位猛男拳拳到肉打到血流披面，場面緊張又刺激。拍攝呢個場口時的確見家樂好肉緊，要顧住演技又要打得劇烈，幸好都順利完成，仲話都打得幾過癮，大讚南哥身手不凡，兩人好快就夾到動作，而且為求減少NG，互相都傾力應付。
陳家樂

陳家樂打到爆缸。陳家樂同何啟南打到血流披面。
拍攝呢類動作戲有時都需要一鼓作氣，特別係對啲柔弱嘅女性，Hera就好需要現場嘅武術指導激發吓佢，先更有動力去完成動作，Hera笑言：「有時聽到你唔係唔得呀？我就即刻會話梗係得，然後衝出去試咗先，希望會做到。」相反家樂對拍打戲略有經驗，但呢場拍攝都未算係好滿意，好想喺現場賺到武術指導一句Good take。
何啟南綁架咗陳曉華。Hera需要現場嘅武術指導激發佢做動作戲。