Sammi定欣見面雞啄唔斷 七情上面兩人如數家珍

同樣深耕演藝圈多年嘅 鄭秀文 喺社交平台貼出同 胡定欣 促膝長談嘅片段，歌后兼影后同視后嘅合體，令唔少Fans都非常好奇，而Sammi仲話遇到定欣嘅時候必然會發展成為非常舒服嘅對話，仲指《我們都是這樣長大的》就係佢哋友誼間嘅鎖匙。而定欣亦爆料指佢同Sammi係同學，仲不時前後腳喺課室出現。

定欣同Sammi傾得非常投入
其實定欣早前接受傳媒訪問時，就曾提及一向欣賞Sammi，7月時亦入場欣賞對方嘅紅館演唱會，更對演出感到非常感動。原來佢哋都係跟隨同一位老師學習唱歌，仲不時會短訊聯絡，唔知呢次見面講唔停口，又係分享咩故事呢？

原來佢哋跟同一位老師學唱歌，難怪以同學相稱喇