靚仔張馳豪孔德賢十日挑戰變大廚 米芝蓮級美食招待VVIP手都震

張馳豪 同 孔德賢 喺《不可能任務》挑戰喺知名米芝蓮餐廳擔任廚師，唔止要即學即煮，仲要負責星級晚宴嘅其中兩道菜式，為超級VVIP下廚。呢日睇佢哋準備時已經非常緊張，而佢哋招呼嘅貴賓，仲係識飲識食嘅 曾志偉 張曦雯 同 陳豪 。

Aska同Danny挑戰十日內烹調出米芝蓮味道
好在結束之後，嘉賓先發現6道菜式當中Aska同Danny主理嘅其中兩道一樣精美好味，完成度非常高，大讚佢哋合格過關呀。而Aska同Danny完成菜式後，邊睇幾位貴賓享用自己有份煮嘅菜，就邊擔心，非常大壓力呀。要十日學到米芝蓮級餐廳嘅大小技巧同細節，Aska同Danny就指過程一啲都唔簡單呀。

原來品嚐佢哋手勢嘅貴賓，係Kelly、陳豪同志偉