陳嘉樺帶勁寶睇張惠妹巨蛋個唱 爆囝囝童言無忌以為阿妹已過世

張惠妹五場大巨蛋演唱會繼續熱鬧上演，唱完頭兩場後休息咗5日嘅阿妹，喺28號晚再舉行第三場，阿妹狀態大勇，以一首《偷故事的人》唱到台下唔少觀眾都眼濕濕。

張惠妹繼續大巨蛋演唱會演出
呢晚嘅演出吸引到好多圈中人前來朝聖，包括Ella陳嘉樺、楊謹華、張清芳、彭佳慧、組合玖壹壹嘅春風同洋蔥、王陽明同太太蔡詩芸、A-Lin黃麗玲、許富凱等。

Ella呢日帶同囝囝勁寶到場欣賞，仲爆出一件趣事

Ella做媒體訪問時，講到平日會畀好多歌囝囝勁寶聽，但當中有好多歌手都已經過咗身，好似張雨生同張國榮，所以當Ella放張惠妹嘅《三天三夜》畀勁寶聽時，勁寶就童言無忌咁問呢個歌手係咪都過咗身，所以Ella呢日帶勁寶嚟睇活生生嘅張惠妹，講講吓Ella仲哽咽咁隔空同阿妹講：「阿妹你只要健健康康的一直繼續唱下去，我們所有人都會為了你而來，謝謝你用生命在唱歌給大家聽。」講完仲話因為自己自細就聽對方歌長大，講到動情時就有啲想喊。
其中第四場又有鳳小岳擔任嘉賓

到咗29號晚嘅第四場，鳳小岳就以結他手身份神秘登場，令全場4萬歌迷相當驚喜。