小春千嬅兩家人同遊阿聯酋 星二代Jasper Torres暴風式成長

陳小春 應采兒 一家近日去咗陳聯酋旅行，小春仲喺IG Post咗一家四口著住當地傳統服裝嘅合照，11歲嘅大仔Jasper高咗唔少，同爸爸齊齊戴上黑超露出笑容，4歲細仔Hoho表情盞鬼，同哥哥Jasper細個生得好似樣，同爸爸都係餅印，只能夠話小春嘅基因真係好強大。

小春一家著起傳統服裝，化身成阿聯酋當地人合照
原來今次陳家之旅仲有旅伴，就係 楊千嬅 同 丁子高 一家，有網民喺阿比扎比當地見到兩家人一齊出遊，丁丁同千嬅相談甚歡，顯示兩家人交情不俗，不過亦有網民懷疑兩家人係出遊定係去當地拍攝節目。
原來千嬅一家亦有同行遊覽當地

千嬅早前先出Post指假期正式開始，先飛往韓國慶祝結婚14周年同度過冬日聖誕，而之後又被發現於阿聯酋現身，而今年已經12歲Torres亦有同行，由網民post出嘅短片中見到，Torres身高已經追上媽咪，更直逼爸爸丁子高，而且同爸爸越大越似樣，已經由當年嘅BB成長為小鮮肉。據知Torres目前喺上海讀中學，媽咪千嬅工作忙碌經常周圍飛，今次一家三口把握難得假期出遊，享受親子樂。

Torres已經就快同媽咪一樣高喇

飛往中東前先到韓國慶祝結婚14周年