在家宴客50道菜｜龔嘉欣人生大事成焦點 肥媽 鼎爺傾囊相授教綁住男人胃

由龔嘉欣主持嘅新節目《在家宴客50道菜》1月2號晚10點半推出，嘉欣喺首播日聯同節目中嘅星級廚神李家鼎、肥媽Maria Cordero以及四位名廚黃永幟、邵龍德、許美德、李文星齊齊出席記招宣傳。除咗宣傳廚藝外，嘉欣嘅人生大事都成為大家嘅關注之處，幟哥笑言：「嘉欣出嫁有肥媽安排，生小朋友就冇人幫佢安排，我要為佢安排同時響應香港號召生多啲，四個起六個止。」幟哥仲話要教嘉欣煲魚湯，以後可以谷奶用添。

龔嘉欣為新節目《在家宴客50道菜》擔任主持。
唔少人都怕拍飲食節目會增磅，但嘉欣就一啲忌諱都冇，呢點令肥媽同鼎爺好欣賞，仲話嘉欣食極唔肥，鼎爺又幫嘉欣改花名叫「人體攪拌機」，因為有乜食乜，全部都消化得。嘉欣就表示，因為自己細個好難會食到家人煮嘅嘢，所以好珍惜藉拍節目機會食到「家的味道」，而且每個廚出嚟嘅都係有唔同家庭味，令佢感到好窩心。
 嘉欣要喺咁多位大廚面前斬雞，唔知佢有冇壓力呢？

肥媽、鼎爺對嘉欣婚姻大事好重視。
肥媽、鼎爺對嘉欣婚姻大事唔係紙上談兵咁簡單，佢地亦傾囊相授廚藝，鼎爺就教嘉欣整盤龍鱔，而肥媽就教嘉欣煲湯，務求令嘉欣未來可以好好綁住老公個胃。至於四位名廚都好錫嘉欣，答應未來嘉欣出嫁擺酒時會為佢下廚，而呢次同嘉欣合作亦相當愉快，幟哥仲話已經同嘉欣講，之後要煮一次俾佢地食，等大家可以點評佢學滿師嘅手勢。
鼎爺幫嘉欣改花名叫「人體攪拌機」。