ENERGY上海開騷寵粉無極限 坤達被歌迷當眾背叛哭笑不得

台灣跳唱男團ENERGY重組之後，除咗喺台灣掀起熱潮，喺台北同高雄都舉行演唱會，人氣越來越旺嘅五子日前仲去到上海開騷，今次亦係佢地第一次以五人完整體喺上海舉行售票演唱會，五子當然唔會令大家失望，施展渾身解術落力跳唱合體後推出嘅新歌《Here I AM》。
ENERGY呢日去到上海開騷。五子施展渾身解術落力跳唱。
當然唔少得嘅仲有掀起16蹲熱潮嘅《星期五晚上》，ENERGY五子嘅16蹲大家就睇得多，不如等粉絲來表演下，ENERGY邀請五位歌迷上台挑戰16蹲，當中唯一一位女歌迷唔止動作標準，而且每一下都跟上拍子，得到五子一致公認表演最佳。
ENERGY施展寵粉招式。
ENERGY仲施展寵粉招式，同粉絲親密玩遊戲，零距離身體接觸，真係令人面紅心跳，不過有一位女歌迷先挑選坤達玩遊戲，唔夠10秒又火速變心改揀牛奶，搞到被拋棄嘅坤達哭笑不得。