超儀客串台灣靈異新片香港放映特別場 夏蕙姨分享住所靈異經歷搞乜都唔掂

一部以台灣當地知名鬧鬼住宅為主題嘅電影，近日於香港上映特別場，戲中嘅導演 錢人豪 來港舉行分享會，仲邀請 黃夏蕙 參與。電影背景由台北一處自80年起就不斷發生死亡事件嘅大樓開始，再接運發生唔同嘅靈異故事。

夏蕙姨分享自己早年搬入新居遇到嘅恐怖經歷
夏蕙姨早年有殯儀之星稱號，呢日佢就分享自己過往住所嘅靈異經歷，呢間位於跑馬地嘅寓所，佢入住後就不斷被鬼責，後來追查下得知上手業主遇上車禍其中一人離世，之後以大量唔同儀式處理不過仍無果，最後唯有搬走收場。
導演就特別感謝超儀為一日戲份特別由美國飛抵台灣演出

戲中仲有 何超儀 客串演出，導演就非常感謝佢為一日戲份而特別飛到台北參演，仲爆佢嘅角色非常關鍵。

呢日參與講解嘅仲有法科師傅 殷法青 ，外傳佢曾受已故名媛 蔡天鳳 家屬所託招魂，呢日佢就超渡亡靈解釋當中意義。