Sammi突曝任媽媽湊BB細心餵食 食得屙得放心晒陪玩嗌投降

鄭秀文近日再踏舞台，相隔多年後現身電台頒獎禮，令外界非常驚喜。Sammi多年來一直都係女性中嘅有型指標，獨立個性鮮明，亦非常清楚自己嘅目標，對工作亦非常認真、盡善盡美。

Sammi多年來形象都同獨立女性畫上等號
而私下嘅Sammi除咗勤力鍛鍊身體經常操到自己Fit爆之外，亦同時有軟萌嘅一面，而Sammi完全放鬆嘅一刻，可能就係同屋企嘅幾隻貓星人共聚之時喇。Sammi過往就曾分享過，自己家中曾養有老人家Mike Mike、一叫就應嘅麗麗，而近日佢仲再次成為「托媽」，接收一隻需要暫托嘅小貓。
平時健身Keep Fit之外，Sammi仲會同屋企嘅貓貓一齊生活

Sammi拍片公開照顧貓仔嘅情況，見佢趴喺房中，以羹逐啲餵食，面上仲一直帶住微笑，佢亦留言寫道：

近日佢就再次成為托媽照顧小貓喇

一隻小貓咪到了我們家「寄養」。好開心，又可以做「托媽」了。

🤭至於時間長短，就待中心安排。是一隻小male 貓。超級活躍。

1一來到我家，我給牠稍稍用清水布抹身抹手腳，然後牠胃口大開吃了一餐，然後馬上跳入沙池大便。💩💩💩 

真係好chill….😁剛才已跟牠玩了，牠仍電力十足。我投降了。😅

（p.s. 須要先讓牠跟麗麗徹底隔離，不接觸）

大家有寬餘空間時間，都可以學Sammi照顧有需要嘅動作，亦請支持領養、不棄養。