江美琪相隔6年推出新專輯 開騷前夕誤吞碎骨入急症室

台灣歌手江美琪相隔6年推出新專輯，兼舉行小型音樂會，與一眾歌迷相聚，江美琪喺開騷前夕發生小意外，誤吞碎骨緊急入急症室，幸好未有因此事影響佢當晚嘅表現。

江美琪時隔6年再出專輯，估唔到開騷前竟然發生意外
江美琪笑言平時自己食魚都好易鯁魚骨，有幾次要入急症室，公司同事就安排佢食排骨飯，點知佢照樣唔小心鯁到碎骨，感覺喉嚨被刮到好痛，好在去急症室檢查完冇太大問題，可以繼續開騷。江美琪笑指掛號嗰陣，被工作人員認出，佢更為歌迷簽名，江美琪話感覺好特別，人生第一次喺醫院幫大家簽名。 

幸好求醫後未有影響