吳若希膠味十足廣告引熱議 77大媽造型被女兒喪笑

吳若希Jinny 喺劇集《奔跑吧！勇敢的女人們》入面，拍攝嘅膠味十足廣告唔只成為劇中小學雞嘅焦點，喺現實中呢個廣告亦成功打入校園，Jinny 9號喺社交平台PO咗一條片並留言問大家：「77大媽算不算我演員路上的代表作？」原來Jinny個女日前放學返到屋企，就向佢發出靈魂拷問，指喺學校有同學問佢係咪「Seven Seven大媽」？問完之後仲要喪笑咗30秒，搞到Jinny相當無奈。
Jinny呢個廣告引起熱議。廣告膠味十足。
為咗向世人澄清平時嘅Jinny係一個帥氣、優雅知性、溫柔、性感、有深度、會唱歌跳舞、跟得上潮流嘅女藝人，所以佢用相剪輯成一條短片，提醒大家佢擁有以上嘅優點，不過講完自己嘅優點後，Jinny就表示唔明大家點解只記得佢大媽嘅造型，但最重要嘅係，佢嘅囡囡同佢嘅同學們都注意到呢個「77大媽」嘅造型，令Jinny哭笑不得，而喺片尾Jinny就話希望監制同編劇們可以盡快還佢一個清白。
Jinny個女睇完都喪笑！
Jinny喺社交平台問大家「77大媽」係咪佢代表作。