五佬組Hey Brother正式出道 預告年內拍戲開騷瓣瓣齊

之前Missy以成員年齡加總181歲成為話題，而加埋足足280歲拋離佢哋嘅Hey Brother呢日就正式成軍，成員 黃智賢 李思捷 麥長青 曹永廉 同 唐文龍 組成嘅五佬男團，呢日喺記者會正式推出新歌出道。

Hey Brother宣佈正式成軍
獲公司送獎杯希望出道就爆紅嘅佢哋，亦即場推介佢哋出道歌曲，借辦公場合提出男士生活遇到嘅困難，原來成團同歌曲仲籌備超過兩年先正式部署推出。
唔止推出新歌，佢哋仲話拍戲開騷乜都會參與

今年係思捷「入五」，佢就指係最大嘅生日禮身，大家都投入大量時間同心機去表現，仲預告會齊齊拍戲，五佬會齊齊參與由思捷編監導嘅新片，仲話大綱係經五人齊齊參與決定，認為會更加好玩，而之後歌曲亦會陸續推出，又會安排演唱會咁話。
關嘉敏呢日為幾為哥哥擔任嘉賓

時下組合都會安排成員擔任唔同崗位，不過佢哋就笑指大家「冇大冇細」，好彩暫時冇乜爭執，仲話有咩都唔會留隔夜，轉頭就會雨過天青喎。