林智樂拖兩女冬日出遊穿煲 《聲夢》兩女夜店變黑白壞蛋

每年年尾年初都係唔少朋友去旅行嘅旺季，最近因為喺《聲生不息》被稱為「寶藏新人王」嘅 林智樂 就一拖二出遊，同《聲夢》一齊加入娛樂圈嘅 潘靜文 同 蔡愷穎 齊齊去韓國釜山出遊，雖然未有合照，不過就齊齊影低知名景點海雲台搭天空膠囊列車，睇海景影靚相之餘，總結過去一年同展望新一年發展，都可以話係非常寫意之旅。

Felix到釜山旅行，同行原來仲有兩位靚女，認真有艷福

Lolita蔡愷穎亦係此行團友

Sherman亦係釜山之旅成員
Sherman同Lolita仲分享咗此行唔少美食嘅回憶，釜飯燒烤仲有Encore嘅Cafe，真係睇見都流口水呀。
見到啲美食真係流口水

另外，同樣自《聲夢》後展露過唔同才華嘅 林君蓮 似乎亦已返港放假，佢亦Post出同 林沚羿 夜遊合照，蓮姐以一件白色性感短裙加上野性表情，大騷佢嘅魅力，仲以英文寫道：為成為壞人乾杯。而同場嘅Venus則以全黑打扮出現，一黑一白打扮嘅合照，真係要小心呢兩個壞女孩呀。

蓮姐最近亦似乎身處香港，仲性感到夜場狂歡

原來係約埋Venus出去玩，仲化身一黑一白壞女孩