家燕姐飛多倫多開騷Fans貼心提飲水 探高齡姑姐還心願好拍檔于洋熱情做東

薛家燕 早前時隔多時再次到多倫多登台開騷，而久未見到家燕姐嘅歌迷，當日更係一早就到場排隊，7年未有去到當地嘅家燕姐，就話深深感受到大家嘅熱情，非常感動呀。原來家燕姐仲係於該場地首位演出嘅亞洲歌手呀。

家燕姐時隔成7年，再次到多倫多演出
除咗開騷同大家見面之外，家燕姐仲把握機會探訪居於當地嘅姑姐，已經94歲嘅長輩一見到家燕姐同囡囡探望就開心到不得了，算係還一個最大心願。今次佢仲同已經退休返當地嘅 于洋 同太太見面話當年，當年《真情》合作無間嘅拍檔，呢次見面就梗係雞啄唔斷喇。

今次兩個寶貝女亦都同行，家燕姐仲去探高齡94歲嘅姑姐

《真情》嘅好拍檔于洋亦都相約家燕姐見面聚舊