吳紫韻宣布陀B女 挺巨肚影孕照留倩影

前TVB娛樂新聞台主播 吳紫韻Purple 去年10月閃嫁圈外陳姓富商，兩個月後佢再於社交平台開心宣布懷孕喜訊，即將成為新手媽媽。
Purple去年閃婚成為人妻。與圈外陳姓富商閃婚。
日前Purple喺社交平台公布腹中BB係個女仔，並喺帖文中寫道：「開估了✨終於可以告訴大家。很感恩，這位天使寶寶，整個孕期都很舒適，希望你肥肥白白健健康康來到這世界。」Purple指每次產檢同照結構時，醫生讚B女「好肥好大隻」，令佢同老公都哭笑不得。
醫生讚B女好壯壯。

揭曉腹中BB係B女！
而為咗紀錄懷孕時嘅美好，Purple早前就影咗輯美美孕照，雖然目測孕肚應該有六、七個月左右，但Purple四肢依然纖幼，面上輪廓清晰，未見絲毫水腫感覺，流露住孕婦嘅美感。Purple更擺出不同甫士，包括坐及跪在地上，又挺身托住孕肚，趁生產前紀錄留倩影，佢喺帖文中訴心聲：「總是幻想自己能拍一輯冰冷風一點的孕照，絕對滿足了我，拍孕照和拍婚紗照一樣，留下人生重要時刻的瞬間。」
Purple日前po出美美孕照。Purple日前po出美美孕照。
Purple去年閃婚時接受傳媒訪問時，曾透露自己算是閃婚，但屋企人就非常開心，因為都適婚年紀，加上開始一齊時已認定對方為結婚對象同組織家庭，因為老公係圈外人，所以一直未公布。
Purple閃婚兩個月後就宣布有喜！