龔嘉欣上載與張馳豪深情對望「婚照」 演嗌交場口爆喊大曬淚功

35歲龔嘉欣龔嘉欣入行16年，感情至今仍未有着落，早前突然曬出疑似「閃婚」影片，見佢身穿白色婚紗，甜蜜依偎喺「新郎」胸膛，而「新郎」輕撫嘉欣頭髮，畫面唯美又浪漫，不少網民紛紛留言送祝福，嘉欣噚晚揭曉該名神秘男子係張馳豪（Aska）！

嘉欣喺社交平台曬出多張MV花絮相，見二人以新娘同新郎造型亮相。
Aska翻唱馬來西亞創作歌手菲道爾歌曲《我沒想過會這樣失去你》，今次邀請嘉欣擔任MV女主角，嘉欣喺社交平台曬出多張MV花絮相，見二人以新娘同新郎造型亮相，一時深情對望、一時恩愛拖手。

嘉欣大曬淚功，獨坐喺樓梯爆喊，讓人有揪心之痛。
話晒一對情侶再甜蜜時光，有時難免出現爭吵嘅時候，嘉欣同Aska喺MV亦有嗌交場口，得知情人離去，嘉欣大曬淚功，獨坐喺樓梯爆喊，讓人有揪心之痛。唔少網民睇完佢哋演出後都覺得二人好登對。

話晒一對情侶再甜蜜時光，有時難免出現爭吵嘅時候。龔嘉欣因呷醋，同張馳豪嘈交！二人同居時間，曾有不少浪漫時光。龔嘉欣得知男友離去，傷心不已！

甜蜜婚照只係一個幻想……