Hebe新年盼順利出新碟 無意仿效鬼鬼為生B而凍卵

Hebe田馥甄呢日現身一個代言活動，去年Hebe工作減產，專注生活，而佢今年就開始為製作新專輯密密收歌，Hebe仲形容唱歌係自己嘅心之所向。至於目前收歌進度如何，Hebe就話已經開始試唱，希望揀到啱心水嘅歌。

Hebe現身代言活動時，透露正為新歌選曲
自從大巨蛋場地正式啟用，五月天、周杰倫、張惠妹都已經去踩過台板，但Hebe就未有計劃要挑戰呢個大目標。不過Hebe同S.H.E嘅兩位好姐妹Ella以及Selina早前就有小小合體，去捧阿妹場。
又提到暫時未有踏上大巨蛋舞台嘅計劃

鬼鬼吳映潔突然宣佈未婚生女嘅消息為台灣娛樂圈投下震撼彈，Hebe亦為鬼鬼送上祝福。但被問會唔會仿效鬼鬼做凍卵手術時，Hebe就回應自己目前嘅心之所向係繼續做音樂喇！
早前鬼鬼突然公佈誕子消息，Hebe亦話無意仿效對方雪卵