淺野中信勇奪金球男配角獎 日本記者會祝捷心情仍高漲

日本男星 淺野中信 日前喺美國金球獎憑《幕府將軍》演出勇奪最佳男配角獎，呢日就喺日本嘅祝捷同傳媒見面時，心情仍然極之激動，發表感受時都可以感覺到佢有幾開心呀。
日本男星 淺野中信 日前喺美國金球獎憑《幕府將軍》演出勇奪最佳男配角獎。
雖然從影多年，不過淺野忠信亦直認今次得獎嘅開心可以話前所未有，亦非常感謝作品嘅台前幕後各位成員一齊努力，仲有日本演藝界對自己嘅栽培同訓練，先至可以揚威世界咁話。
淺野忠信喺日本嘅祝捷同傳媒見面。
去年已經提名艾美獎嘅佢當時未能得獎，呢日重提舊事，佢亦直認當時非常失望同不甘，事後仲一直自怨自艾，搞到連太太都怕咗佢，所以今次頒獎前亦都做足心理準備。

而今次同偶像夏理遜福一齊提名，佢就認為有如救咗自己，因為如果偶像得獎自己覺得心服口服，但係當宣佈得獎人係自己時，佢就驚訝得難以置信咁話。