萬千星輝頒獎典禮｜傅嘉莉七次提名終奪女配角 陳曉華大熱摘女飛躍

最佳男、女配角分別由 傅嘉莉 同 林景程 奪得，Kelly7次提名女配角，終於實現零的突破，獲得人生首個電視獎項，喺台上哽咽多謝高層曾勵珍同樂易玲以及監製鍾澍佳，感激公司給予機會。而林景程則驚喜獲男配角獎，方寸大亂嘅佢於台上情緒非常激動，佢感激家人支持佢任性追夢，同時多謝天上嘅媽媽。

先後7次提名嘅Kelly今年成功獲獎

林景程努力多年終獲獎，上台時佢方串大亂
飛躍進步男、女藝員，就分別由 阮浩棕 同 陳曉華 奪得，浩棕表示希望將入行第一個獎項獻比天上嘅嫲嫲（梁舜燕），佢話嫲嫲在生時經常讚揚佢嘅演技，但當時浩棕自覺唔夠好，唔配獲得讚美，到而家終於得到大家肯定，可惜嫲嫲已經睇唔到，浩棕話佢會繼續秉承嫲嫲敬業樂業嘅精神，繼續努力演活每一個角色。而Hera去年表現一樣突出，佢話呢個獎項對佢係一個祝福，一個支持，亦係一個好大嘅鼓勵，仲話自己會努力向前做好演員嘅本份。
阮浩棕得男飛躍後，感激已故嫲嫲梁舜燕嘅鼓勵

大熱嘅陳曉華亦成功得獎曾經喺8、90年經典劇集《義不容情》、《我本善良》等飾演螢幕情侶嘅邵美琪同溫兆倫，相隔多年後再次同台擔任頒獎嘉賓，兩人同框嘅畫面，勾起大家滿滿嘅回憶殺。

經典螢幕拍檔溫兆倫同邵美琪擔任頒獎嘉賓

温兆倫感激TVB咁多年嚟製作咗好多經典嘅電視劇，比全世界嘅觀眾欣賞。兩位再次聚頭，佢哋都覺得好開心，但佢哋就話無勾起昔日合作回憶，事關佢哋話唔做博物館，反而要做科技館，展望將來。

至於想唔想再合體拍劇？溫兆倫就話可以考慮，佢仲提議彼此反串演出，溫兆倫仲話佢同Maggie兩個嘅性格好相似，大家都係偏靜，所以兩個靜嘅人要互相溝通都係一大挑戰，最後溫兆倫同Maggie都祝願大家Happy New Year,希望大家身體健康，珍惜身邊愛你嘅人。