萬千星輝頒獎典禮｜張振朗榮膺雙料視帝得獎狂喊 龔嘉欣首嘗視后滋味台上落淚

《萬千星輝頒獎典禮2024》圓滿結束， 張振朗 以《反黑英雄》嘅演出，分別獲得「馬來西亞最喜愛TVB男主角」與及「最佳男主角」成為雙料視帝，而 龔嘉欣 亦憑《企業強人》首嘗 視后滋味，最佳劇集則係《反黑英雄》。

張振朗分別獲得視帝同大馬最喜愛TVB男主角兩個大獎

龔嘉欣以《企業強人》演出首封視后
連奪兩個大獎嘅Owen稱帝一刻激動低頭爆喊，上台後仍難掩激動情緒，佢稱非常開心可以於祥哥同羅嘉良兩位視帝手中得獎，又指演戲係自己嘅生命。

最佳劇集由特別嘉賓 甄子丹 頒發，最後由已先獲最佳男、女配角與視帝大獎嘅《反黑英雄》獲得，近年拍攝大量高收劇集嘅監製 鍾澍佳 代表劇組發表得獎感受。

頒獎嘉賓甄子丹又指，，今日雖然係女兒21歲生日，不過都抽空出席，佢又表示30多年前曾經喺TVB拍過多部劇集，所以深明演員之路非常唔容易，佢又話TVB係好多藝人嘅起點，亦係大家嘅情懷，發哥、華仔、偉仔等巨星，都係自TVB出身，絕對係令人驕傲。

大灣區最喜愛TVB男、女主角分別由 馬國明 憑《飛常日誌》稱帝，而楊茜堯就以《黑色月光》封后，馬國明獲獎時除咗多謝公司之外，仲賣口乖多謝機管局協助拍攝，歡迎日後開拍《渡輪日誌》、《地鐵日誌》又或《上葡京日誌》，獲得全場歡呼。
馬明封大灣區視帝

而楊茜堯則回憶12年前踏上TVB頒獎台上時候，12年後再以另一名字獲獎，格外感觸，並引述自己點解要改名，又公開多謝老公羅子溢一路相伴與支持。

楊茜堯相隔12年再登台領獎

張曦雯亦憑《企業強人》封大馬視后，張振朗第一時間多謝大馬粉絲，更特別學咗幾句馬來文講感言，佢仲話好想盡快飛去大馬瘋狂食美食答謝大家。而Kelly自稱自己喺「強人系列」長大，好似《律政強人》、《白色強人》同《破毒強人》，哽咽感激伯樂監製羅永賢。

張曦雯憑《企業強人》演出成為大馬視后