奔跑吧！勇敢的女人們｜阿蕭婚外情被穿煲Jinny男爆 朱仔曝劇情視帝Owen將現身

喜劇《奔跑吧！勇敢的女人們》話咁快就進入結局篇，呢日 蕭正楠 吳若希 朱敏瀚 等成員，就齊齊再為劇集宣傳，同現場觀眾玩遊戲近距離接觸，而將為人父嘅阿蕭，見到現場小朋友就父愛滿瀉，主動抱抱小朋友合照，仲滿面笑容同鏡頭打招呼，甜到不得了呀。

就快做Daddy嘅阿蕭父愛爆棚，一見小朋友就愛不惜手
劇中同賴慰玲嘅婚外情穿煲之後，今個星期歡樂氣氛就不再喇，阿蕭仲故弄玄虛指可能佢同朱仔又會發生感情，笑到Jinny收唔到聲。佢仲認為劇中同Jinny離婚，朱仔直情係「功不可沒」咁話，仲唔係坐收漁人之利？
阿蕭同Jinny嘅婚姻出現問題，最後點收科呢？

帶大婆Jinny捉姦嘅朱仔，呢日仲被問到，若同佢Friend到爆嘅視帝張振朗有古惑，會唔會帶對方女友大義滅親時，佢就笑而不答，仲爆出原來劇情中其中一個彩蛋就同佢有關，大家記得留意喇。
阿蕭仲爆出疑幻似真嘅所謂劇情，不過大家都係唔好信十足

而早前因為同 關嘉敏 激咀 被撞破搞到離婚嘅 鄧英敏同 林漪娸 ，呢日提返呢場戲份，就大讚Carman投入又專業喇，敏哥仲即場話可以再錫「老婆」現場重演呢場戲呀。

敏哥早前同Carman一段咀戲成為討論話題

呢日現場亦再次提起