姚焯菲大讚《愛．回家》劇組充滿愛 計劃捐利是錢保育大熊貓

姚焯菲啱啱加入《愛．回家之開心速遞》，就為呢個大家庭添喜事，日前佢憑住劇集主題曲《這個家》，喺《萬千星輝頒獎典禮》攞到「最佳電視歌曲镘，Chantel呢日出席活動時，講返得獎心情，依然覺得好唔真實，佢亦再次多謝公司俾機會。

Chantel返港後新近加入《愛．回家》劇組
《愛．回家》劇組不嬲都有名叫「有愛的11廠」，日前Chantel更融入熊家，同劉丹仲有張景淳一齊慶生，Chantel都話深深感受到呢個家真係好有愛：「喺呢個劇組入面，大家都非常溫馨，好似一家人。」Chantel話拍攝過程覺得好新鮮，而自己都會繼續努力，磨練好演技。
仲親身見證大家相處嘅和藹友愛

好快就到農曆新年，今年會留港度歲嘅Chantel已經有晒計劃，除咗同屋企人度歲，Chantel都希望有時間同粉絲聚下。又靚又有善心嘅Chantel仲話會捐出自己嘅利是錢，用作保育大態貓，希望大家都可以共襄盛舉。

又話希望新年期間有時間可以同小菲象聚會