陳慧嫻華麗跌倒被質疑寸造謠者冇良心 AGA陪跳唱《跳舞街》搞氣氛

陳慧嫻演唱會嚟到第二場，好友蔡一智、黎瑞恩、周汶錡及李幸倪（Gin Lee）等前嚟捧場，慧嫻喺頭場演唱會上，身穿公主裙獻唱《明日有明天》時華麗跌倒，呢晚佢小心翼翼，擺起裙擺順利完成呢首歌曲。
陳慧嫻日前喺演唱會上華麗跌倒後被網民質疑。
慧嫻笑指呢晚成功冇仆喺度，對於華麗跌倒被質疑，慧嫻反問呢啲人有冇良心，笑指每日要食四粒鈣片，就算玩都唔玩自己啦！慧嫻感謝音樂人何丙喺台上「上演」王子救公主。
陳慧嫻呢晚邀請咗AGA做嘉賓。
呢晚慧嫻邀請咗江海迦（AGA）做嘉賓，二人一齊跳唱《跳舞街》搞氣氛，可惜AGA帶病上陣未能完全盡興。慧嫻解釋係自己唔准AGA跳，因為唔希望AGA仆喺台上。