率先睇丨與陳奐仁加盟《中聲3》評審團隊 黃凱芹請教肥媽鬧人技巧

一眾能夠喺《中年好聲音3》坐鎮嘅評審均實力雄厚，最近團隊邀請情歌王子黃凱芹（Chris）同唱作人陳奐仁（Hanjin）加入，兩位好興奮可以參與節目，Chris仲用意外嚟形容，因為佢覺得個節目監製同導演好好，因為佢嘅檔期好難遷就，但製作組各方面好包容，只要幾時得閒都可以參與，佢即場向肥媽同車婉婉請教畀分準則，不過Chris話自己會坦誠，好與壞都直接講。
黃凱芹加入評審團。
Chris與肥媽一齊擔任評審，就話要向對方請教點鬧人，肥媽笑言鬧人係女人強項。婉婉就話比賽主題分別係Chris同Hanjin嘅強項同表表者，喺比賽當中俾到更全面嘅意見予參賽者。
陳奐仁加入評審團。
賽事喺今個星期日（26日）播出一集將會上演分組淘汰賽，劉洋、王鄭浚仁同張與辰都抽到悲傷情歌組別，迎戰其他歌手，佢哋都話有一定壓力。