熊貓BB下月亮相早成萬人迷 吳文忻家燕姐視后定欣搶先拜訪

一對大熊貓BB已經鐵定2月16號就會正式同大家見面，而 胡定欣 吳文忻 同 薛家燕 等就率先入場，同 安安 可可 呢對萬人迷姊弟先見面，又公開佢哋一齊玩嘅片段，見兩隻轉眼已經5個月大嘅BB爬來爬去又攬埋一舊，非常可愛。

園方日前公佈，熊貓姊弟2月16號起接見對佢哋萬分寵愛嘅公眾
最近來往港泰接受治療抗癌嘅文忻，亦帶同兩個寶貝女到場，預先同熊貓BB見面之餘又趁機會親子，佢仲留言話：「太可愛喇！安安可可太可愛了！😍🥰😘😘五個月大嘅姊弟龍鳳胎大熊貓！🥰🥰😍😍」
吳文忻呢日精神十足，同兩女一齊同熊貓BB見面

而平時形象獨立嘅定欣，月前已經曾經到場探望過小姊弟，而呢日再見到一對可愛嘅肥嘟熊貓，都笑意盈盈，仲寫道：「我知！我知！我見到家姐細佬越開心！真係超可愛！🐼🐼辛苦照顧佢哋嘅奶媽奶爸每日24小時照顧！🫶🏽🫰🏽好珍惜佢哋仲係好細個，亦好開心睇住佢哋成長！」

定欣呢日唔見晒七爺嘅霸氣，講每一句都高至少8度