EYT元祖主持杜平上月澳洲離世 契妹翁虹後輩森森廖安麗飛當地送別

《歡樂今宵》元祖主持 杜平 去年底於澳洲墨爾本離世，享年88歲。家人於當地時間星期六早上為呢位一次粵語片小生舉行追思會。據消息指當年EYT拍檔森森、廖安麗與契妹翁虹都飛抵澳洲親身送別，陪伴杜平結婚逾60載嘅太太與家人度過悲傷時刻。家人亦禁止參與送別賓客拍攝及錄影，貫徹近年一家人嘅低調行事作風。

一代粵劇小生兼知名主持杜平上月底離世

獲後輩尊稱為平叔嘅扁哥，早於上世紀50年代末已入行拍戲，當年拍攝作品無數，係粵語片當紅小生之一。後來轉投電視界加入無綫電視，成為長壽綜藝節目《歡樂今宵》嘅台柱，早年唔少大型晚會司儀都由佢擔任。

年前佢同太太結婚60載，特別舉行盛大晚宴慶祝
扁哥除主持工作外，亦不時亦參演劇集演出，好似經典嘅《家變》、《網中人》、《京華春夢》等都有參與。直至80年代初期，杜平自娛樂圈引退，同家人移居澳洲墨爾本，更於當地開設餐館。
扁哥曾拍攝大量影視作品

去年1月杜平亦自疫情後首次返港，再次設宴同一班圈中好友相聚，當晚唔少賓客都相識超過半世紀，尤其係當年同佢並肩作戰主持《歡樂今宵》嘅拍檔，仲齊齊重溫昔日點滴。
去年返港與一眾好友相聚話家常

年前杜平為慶祝同太太結婚60周年鑽石婚，當時廣邀親朋好友飛往澳洲參加慶祝派對，邀請超過200名賓客到場；筵開23席。大批香港演藝圈好友包括當年EYT拍檔修哥胡楓、蔡和平夫婦、森森、吳麗珠、鄧英敏、梁碧玲、溫兆倫及杜平契妹翁虹，而大王安德尊專程向劇組請假飛抵當地道賀。

現場消息指，森森、廖安麗與契妹翁虹都有到當地送別