直播靈接觸丨林盛斌傾談對頭炷香睇法 分享於緊急關頭祈福化解危機

吸金王阿Bob林盛斌近排除咗忙住辦年貨，仲要努力籌備稍後嘅紅館Talk騷，雖然咁忙，佢都抽空作客《直播靈接觸》，同大家傾吓頭炷香呢個話題，阿Bob就話自己從未試過上頭炷香，佢覺得一個神明係咪覺得要你需要裝頭炷香先幫你，係咪咁做先容易啲達成機會，佢認為神明係好大，會同時保佑好多人，就算上不到頭炷香，但件事屬於急切需要神明幫助的話，神明自有安排。

阿Bob對唔少善信爭上頭炷香有另一睇法
不少人都相信拜得神多，自有神庇佑，阿Bob就分享一次喺緊急關頭，如有神助嘅經歷，佢話去年於美國開talk騷，而美國簽證需要好多程序手續，但由於辦理時有出錯，導致限期將至前夕仍未辧好，佢就突然想起一位開設泰國佛堂，於是就拜候上香祈願，點知個簽證就好快批出。踏入蛇年，阿Bob嘅新年願望就當然係嚟梗嘅騷叫好叫座，現時同團隊努力將騷嘅內容改善得更盡善盡美，務求可以令觀眾睇得更開心。

又分享早前出埠極不順利，但祈福後隨即順利出發嘅經歷