雨僑帶老公子女返長洲拜年 為1歲細囝慶生日慘爆喊

2020年結婚嘅 雨僑 同 羅力威 婚後同年8月誕下囡囡Harper，到去年情人節再宣佈已剖腹誕下囝囝凡凡湊齊一個好字。出身長洲嘅雨僑新年亦帶住子女同老公，返長洲向親友拜年同小旅行。

雨僑同羅力威帶埋子女返長洲拜年
Ava呢日就Post出Daddy羅力威踩三輪單車漫遊長洲嘅情況，一家人坐埋一齊走勻各個角落睇住夕陽西下，非常溫馨。而此行原來仲一早安排為囝囝慶祝生日，不過到傍晚已經玩到冇電嘅細佬就竟然瞓著覺，到醒返一見到咁多家人圍住，一時手足無措仲喊出嚟，非常搞笑。
又趁機會為囝囝慶祝1歲生日

不過慶祝前凡凡就冇電瞓著咗

喺長洲長大嘅Ava，仲話一早已經向老公分享兩個長洲人先明嘅重點，就係長洲無秘密、同埋長洲人之間有住好多複雜嘅親戚關係。而每年嘅拜年之旅，都會係羅力威嘅認人同親人關係圖理解能力大挑戰咁話。

一瞓醒見到咁多人，壽星仔就嚇一嚇喊出嚟喇