周吉佩粉絲團拜被當吉祥物狂摸 備戰月底澳門騷全新快歌製作中

新春最高興就係大家熱熱鬧鬧一齊慶祝， 周吉佩 就約埋大批吉s粉團拜聚會，狂唱賀年歌之餘╴大家仲爭住向佢派利是。吉吉仲指大家當正自己好似吉祥物一樣，爭住摸吓圖個吉利，呢日仲連子女同外父外母都有到場玩埋一份，就份外開心喇。
周吉佩同fans搞新春團拜。
呢日吉吉又提到全新快歌即將就會投入錄音，仲有機會跳舞，希望有唔同嘅面向俾大家睇咁話。月底就會到澳門開騷嘅佢，又指演出會同早前香港場次有所分別，希望新年俾啲新鮮感大家，但係當Fans提到求騷肌時，佢就指可能要等他日紅館開騷先有辦法喇。
吉S粉當佢吉祥物咁不停摸，搞到吉吉個樣勁無奈。
吉吉話11月底開騷後因為太過開心，所以亦疏於操練，所以過年後要重新投入運動保持身形喇。
吉吉話新年後就要重新操肌喇。