MC張天賦新春澳門開補場騷大豐收 因健康管理不善向歌迷致歉

MC張天賦上個月5號澳門演唱會因病取消，新春期間去澳門開補場騷，MC呢晚狀態大好，仲向在場歌迷及主辦方致歉，表示自己冇好好照顧身體，未有盡到一個歌手嘅責任，搞到要延期造成好多不便。
MC嘅澳門騷舉行補場，佢仲向在場歌迷及主辦方致歉。
MC喺新年期間開騷，令佢諗起以前嘅busking歲月，因為佢會揀一個人多地方逗好多利是，MC呢日亦大豐收，行落台下一路唱歌一路收到歌迷嘅利是，又跟歌迷影相，開心互動氣氛熱烈。
MC演出期間落台同fans合照。