魏嘉信林思彤東莞出騷度新歲 顏志恒跳唱快歌冧粉絲炒熱氣氛

中聲歌手顏志恒（Benson）、魏嘉信同師妹林思彤喺農曆年期間到東莞出騷度新歲，佢哋粉絲應援由香港支持到內地一樣咁落力，佢哋喺演出時獲粉絲熱烈應援，三人更邊唱邊走到台下跟觀眾握手影相，令全場氣氛高漲。
林思彤、顏志恒 同 魏嘉信
顏志恒讚觀眾好熱情，唱快歌嗰陣一齊跳一齊嗌，而林思彤話感覺氣氛好溫暖好特別，向好多人一齊拜年，魏嘉信笑指之前比較多係派利是，呢日有機會開心收利是，勾起童年回憶。
林思彤邊唱邊同fans影相。
作為爸爸嘅顏志恒同魏嘉信，同樣首次喺新年放低仔女，離開香港工作，一齊過咗一個難忘嘅新年，顏志恒呢晚亦準備一首跳唱快歌冧粉絲，令台下一眾歌迷睇到不斷尖叫。

顏志恒