電台舉行新春團拜,吳若希、姚焯菲Chantel 、詹天文Windy、鍾柔美Yumi 及 羅啟豪等多位歌手都有出席撐場,現場有醒獅助興,氣氛熱鬧,不過最驚喜嘅就係影帝張家輝現身!家輝同薛家燕喺台上大搞氣氛,二人互讚對方年輕,家燕姐仲搞笑話為咗見家輝特登去拉皮呀。
張家輝驚喜現身。
家輝近年不時開金口騷歌藝,仲為自己嘅電影獻唱歌曲,不過佢就否認自己有歌星夢,完全係因為電影budget唔夠,所以先會自己唱。眾所周知家輝係《中年好聲音》嘅忠實觀眾,呢日見到現場有中聲歌手,就話好想請教佢哋歌唱技巧。
家輝同在場眾人合照。
呢日家燕姐着到喜氣洋洋四圍派利是,睇上去心情好好,原來佢啱啱同屋企人去完日本旅行,佢意外發現孫仔識講日文,仲教返嫲嫲用日文點餐。
見到家燕姐呢個笑容都覺得開心呀!
星夢三小花過年期間就把握時間同屋企人聚會,Chantel同Yumi仲約埋一班星夢好朋友北上玩樂。Chantel話有睇返自己喺《愛・回家之開心速遞》嘅演出,覺得自己仲有進步空間。
詹天文、姚焯菲、鍾柔美。
吳若希就帶埋小朋友返鄉下,最開心係可以玩煙花,而講到蛇年願望,Jinny就搞笑話希望可以不勞而獲。
吳若希
羅啟豪話自己過年期間食多咗,所以而家努力做Gym希望可以keep返個身型,至於冼靖峰過年期間都有keep住運動,仲喺Gym room收到無識嘅大叔派利是。
羅啟豪
而涂毓麟呢日就同女友孫樂言拍拖到場,佢哋仲推出一首合唱歌,紀念二人拍拖六個月,真係sweet到爆啊!
登入後即可查看消息中心
未登入
登入後可查看收藏和瀏覽歷史
我的收藏
瀏覽歷史