THE BOYZ下月全員11人澳門現身 李上淵入伍前最後一騷未賣飛已有黃牛

韓國節目《IDOL RADIO》宣佈 ，下月初將於澳門舉行《IDOL RADIO LIVE IN MACAU》演唱會，人氣急升嘅男子組合THE BOYZ亦於演出名單之中。

THE BOYZ去年夏天嘅澳門巡演門票「秒爆」反應非常熱烈，之後轉投新公司同EXO嘅伯賢、李勝基等前輩成為同門。而成員亦曾答應粉絲，11位型男成員齊齊換上公主造型又唱又跳表演，令早前舉行嘅Fan Con場場爆滿。
11位成員早前找數齊齊換上公主造型，非常有趣

成員善旴同Eric日前自爆將「齊人」到澳門演出，更會表演特別版《HONEYS》，全體成員亦齊齊拍宣傳片，令呢次演出瞬即成為韓國熱搜話題。成員李上淵下月中就將入伍當兵，呢次澳門演唱會亦係佢服役前嘅最後演出，令門票未發售就已經有黃牛代購，非常誇張。
早前官方一公開佢哋參演，就竟然出現未賣飛已有黃牛現象

而善旴就非常感謝Fans，更承諾為樂迷傾力演出：「呢次全團演出很期待，我記得香港、澳門、中國內地Fans很熱情！希望今次可以為大家留下最愉快的回憶，其實你們的支持，才是我最大的鼓勵，當晚大家開心舉行派對吧！」主辦機構又指THE BOYZ，每場演出都將有近一小時，日前亦官宣P1HARMONY參與其中，其他演出KPOP嘉賓陸續公布。

呢次亦係成員上淵入伍服役前嘅告別演出