潘瑋柏太太公開疑似母女合照 隱瞞老竇身分四年終於曝光

潘瑋柏2020年宣布同有「中國最美空姐」之稱嘅宣云結婚，當時就有傳二人係奉子成婚，不過潘帥同太太一路未承認，之後二人於2023年喺峇里補辦婚宴。今個元宵節，宣云就喺社交平台公開疑似母女合照，雖然只見到阿女背影，但已經令大批粉絲好驚喜。
宣云疑似公開母女照。宣云喺帖文中寫到：「和小可愛的新年。」
相中宣云抱住一個年約三四歲嘅小女孩，二人錫錫互動親密，宣云寫到：「和小可愛的新年。」老公潘帥雖然冇露面，但就回應三個愛心emoji，大家估佢應該就係揸機嘅攝影師。
潘瑋柏於2023年喺峇里同宣云補辦婚宴。
而大批網民亦喺宣云嘅post下留言送祝福，大家都好驚喜原來潘帥嘅囡囡已經咁大個。其實之前早前就曾經有狗仔影到潘帥兩公婆現身上海迪士尼，身邊有位疑似保母嘅人推住BB車，車上坐住一位年約三四歲嘅小女孩。如今宣云主動貼出母女合照，就有網友搞笑話「終於破案啦！」