葉子楣相約多位好友新春聚餐 祝願電影圈跨過難關再復甦

葉子楣Amy日前邀請咗黃百鳴、陳欣健、黃玉郎伉儷、尹光伉儷及周美鳳等多位好友食開年飯，Amy笑言揀菜單係一項大挑戰，呢次佢就專程由馬來西亞空運咗兩條當地嘅五大名魚之一、食風車果長大嘅「巴丁魚」同一眾友人享用。Amy感激各位朋友俾面到場，更希望每年都可以繼續同大家聚會，當見到大家抽到獎品、獎金時嘅表情，亦令佢相當開心。
 葉子楣廣邀好友一齊食開年飯。葉子楣專程由馬來西亞空運咗兩條當地嘅五大名魚之一巴丁魚，畀好友一齊品嘗。
回顧2024年整體表現，Amy形容係「豐收年」，而最令佢開心嘅，必然係得到由馬來西亞拿督基金會 (The Malaysia Dato Foundation ) 頒發嘅「80年代最具影響力女演員」奬項，因為呢樣係對佢喺演藝工作上嘅肯定。Amy亦覺得，可以喺當地投資酒店嘅籌備過程中，同一班優秀團隊合作，以及認識了唔少新朋友、新事物，佢期望新一年自己可以令酒店更多元化發展，以及各行各業事事順利，電影業可以復甦：「大家面對難關，加油努力。」
 陳欣健 葉子楣尹光 葉子楣風水師黄楚淇 葉子楣黃玉郎伉儷 葉子楣