YOASOBI台北騷吸引60萬人搶票 慶功記招預告有計劃進攻大巨蛋

因為演唱大熱動漫主題歌紅遍亞洲嘅日本雙人組合YOASOBI，日前喺台北小巨蛋舉行一連兩場演唱會，吸引二萬四千名歌迷捧場，完騷之後，YOASOBI特別舉行慶功記招分享感受，佢地仲誠意十足學用中文講「新年快樂」同「蛇年行大運」。
LULU為 YOASOBI 記招擔任主持。
YOASOBI兩場台北演唱會，線上登記搶票總人數高達60萬人，不過最終只有二萬四千個幸運兒可以入場睇偶像，YOASOBI聽到60萬人呢個數字都覺得好驚訝，冇諗過自己喺台灣有咁多歌迷，Ayase話希望下次可以喺更大場地開騷，滿足晒60萬歌迷，主持人Lulu建議可以考慮喺大巨蛋開騷，估唔到Ayase竟然自爆團隊已經去過大巨蛋勘查，歌迷可以好好期待一下啦！
YOASOBI0兩場台北演唱會，有 60萬人線上登記搶飛。
慶功記招上主辦方特別為YOASOBI安排舞獅環節，一開始ikura似乎有小小嚇親，不過好快就融入熱鬧氣氛，仲入鄉隨俗封利是同醒獅交換祝福，醒獅送上彩頭同鳳梨象徵好彩頭，並且預祝YOASOBI可以進攻大巨蛋。