AGA誠邀鳳小岳來港任男主角 譜出美式復古浪漫情調MV

AGA江海迦 親自作曲嘅新歌《Gas Station Diner》推出，MV仲花盡心思喺充滿美式復古感覺嘅油站同餐廳取景。繼上一步曲《沒有咖啡的喫茶店》後，今次AGA再飾演《Writer’s Block》入面 203室嘅住客，再喺油站餐廳邂逅新角色：520室嘅 鳳小岳 展開浪漫之旅。

AGA推出充滿美式懷舊味道嘅新歌

早前拍攝MV仲邀請咗型男鳳小岳擔任男主角
再邀請實力派台灣演員出演嘅AGA話，一直欣賞鳯小岳喺電影同劇集嘅演出，而今次MV拍攝時間頗長，製作又繁複，但對方十分專業，能夠喺短時間演繹出令人讚嘆嘅效果，休息時間時又作音樂交流，期望將來可以喺音樂上有合作機會。
兩人於MV內展開一段浪漫之旅

由於香港無真正嘅油站餐廳，拍攝團隊就分開拍攝場地，再作後期處理，先喺馬鞍山一個油站取景，再到荃灣一間充滿50年代嘅美式裝潢餐廳拍攝，而一座點唱機就成為男女主角彷彿不屬於現代嘅夢幻場景。
MV已唔同場景展示50年代嘅美國公路情懷

今次新歌嘅音樂風格，可以話充滿 AGA特色，曲詞結合營造舉重若輕嘅溫柔同浪漫，令大家聽嘅時候彷如置身油站餐廳中起舞一樣。

新歌曲充滿AGA一貫嘅音樂特色