看我今天怎麼說｜張家輝現身首映撐後輩探討星途 有意再開金口與鍾雪瑩合唱經典

影帝 張家輝 驚喜現身由 游學修 鍾雪瑩 等主演嘅電影首映禮，家輝對兩位後輩都好欣賞，更大讚鍾雪瑩嘅演技獨特。曾經都係歌星身份嘅家輝同鍾雪瑩講開唱歌時，不忘同佢探討現時嘅星途，家輝話睇住鍾雪瑩入行，覺得佢現時都唔錯，因為可能係被歌手耽誤嘅演員，並指自己屬於相反，家輝覺得自己唱歌幾好聽。

張家輝現身首映，仲話要同鍾雪瑩合唱喎
而鍾雪瑩就話近日因為節日嘅關係，翻Hit家輝唱情歌部份，家輝忍唔住話：「我都唔知幾時先停到，應該停唔到。」又建議兩人雖然電影上未有緣份合作，但可以整首新版《相思風雨中》合唱玩創新，鍾雪瑩當然興奮叫好啦。
3位主演扮演聾人青年，希望觀眾更了解佢哋嘅生活

戲中兩位小演員 鄭進希 同 黃暐恆 分別演釋游學修同吳祉昊嘅童年，兩位小朋友睇返自己當時嘅演出都覺得成長咗唔少，而且對拍攝時嘅情景仍然記憶猶新。
鄭進希同黃暐恆兩位小演員，分別演扮演游學修同吳祉昊童年

黃暐恆話記得一幕喺沙灘上拍攝，不慎刮傷腳，而鄭進希則覺得水中練習對佢來講係一個挑戰，兩位小演員不約而同表示好想繼續參與拍戲，最搞笑嘅係黃暐恆話有九成想再拍戲，餘低一成栗來係被整傷腳嚇怕，身邊嘅鄭進希就人細鬼大話：「男人要有傷疤。」令全場爆笑。
大小演員重聚非常親密

而游學修重遇兩位小朋友都好開心，因為每次有佢哋在場嘅時候都好多牙尖嘴利對答，令宣傳同謝票氣氛生色不少。
導演希望大家更關注本地聾人社群生活

電影聚焦講述三位聽障青年生活，話題觸動人心，電影榮獲多項提名及獎項，令導演黃修平同成個團隊都好振奮，但黃修平認為義意在於希望香港更多人關注聾人文化。