美棋飛台北3日老公Ray嘴角帶笑 周嘉怡同行善為二百團友送歡笑

黃美棋 同老公 鍾健威 仲有 周家怡 呢日一齊現身機場，同逾200位團友一齊準備出發去台北參與3日2夜慈善之旅，不過阿Ray就只係嚟機場送機，原定同行嘅佢因工作撞晒期而無法同行，變相令佢可以走甩避開美棋嘅監視，難怪一被問起佢都難掩心中嘅一股爽快感，好在之後答問題夠得體先冇事咋。

阿Ray因為工作安排未能同行，美棋就笑指老公甩難最開心
美棋同家怡今次同40個家庭組成嘅團友出行，仲會負責沿途為大家帶來歡笑，美棋仲話影出發前嘅大合照已經覺得感動，因為唔少參與嘅小朋友都係首次搭飛機，有機會見證佢哋夢想成真，就令呢次旅程更加有意義喇。而家怡亦提到同各位團友相處之後，更感到幸福可以非常簡單，希望大家都更珍惜所有咁話。

今次嘅慈善遊為40個家庭圓心願，家怡同美棋都話未出發已先感動