香港式離婚｜嘉玲子華58場演出正式落幕 劉華現身後台祝賀打氣

劉嘉玲 同 黃子華 主演、加上 蝦頭 楊淇 等參演嘅舞台劇《香港式離婚》一票難求，58場演出星期日晚正式落幕，不時於社交平台分享演出花絮嘅嘉玲，繼續分享唔同相片，而最後一場曾同嘉玲多次合作嘅 劉德華 樂易玲 都有到場欣賞打氣。

黃子華同劉嘉玲合演嘅《香港式離婚》58場演出落幕

劉德華現身王菀之演唱會後，轉到《香港式離婚》後台同大家打氣

日前嘉玲先公開每晚演出後，一眾演員都會於後台小酌討論同放鬆，而大家近日接近尾場亦一直倒數，對數月來排練同演出朝夕相對開始不捨。扮演專處理離婚官司，貌合神離律師夫妻嘅嘉玲同子華，加上好戲之人蝦頭同楊淇以及其他演員攜手完成演出，最後一次向觀眾謝幕，完成呢次難得嘅舞台合作。

演員每晚都會同觀眾大合照留念

近日每晚亦會於後台自拍倒數，大家都不捨完成演出

嘉玲不時都公開難得一見嘅後台情況

更指每晚完騷後，大家都會小酌檢討放鬆