Gin Lee推出新專輯笑言男友買百張支持 曾壓力大致失眠學習躺平放空

Gin Lee（李幸倪）呢日出席一個慈善機構新店開幕禮，早排Gin Lee同屋企人趁住農曆新年去旅行叉足電，而家火力全開投入工作，為三月一號啟德體育園開幕騷作準備，Gin Lee話心情興奮。

Gin Lee出席一個慈善機構新店嘅開幕
Gin Lee透露屆時將獻唱一首好高energy嘅歌，但佢未有透露歌名，只係話到時畀大家驚喜，想同大家一齊感受呢個場館；Gin Lee呢日獲匡智會朋友仔送咗一隻親手製作嘅陶瓷杯作禮物，佢以新專輯作回禮，更即場喺專輯上簽名。
呢日獲店員朋友送上自製禮物

Gin Lee推出新碟就笑指圈外男友買100隻碟支持都冇問題，而一向對自己要求高嘅Gin Lee，曾因壓力過大致長期失眠，近年佢學識放鬆，感受間中躺平嘅重要，佢好享受去旅行放空，畀身心休息。

近日推出全新大碟嘅佢，指圈外男友會大方狂掃支持