吳忻熹心臟抽出1公升積水 積極抗癌自嘲大把「心水」

去年公開患癌後積極接受治療嘅 吳忻熹 (前名 吳文忻），不時喺社交平台分享佢嘅抗癌之路，26號佢就上載咗一血包短片，原來佢因心臟有積水，所以要接受心疱刺穿術，將心臟外圍嘅積水引流導出。
吳忻熹積極抗癌。佢26號分享自己個心有積水。
為咗化解大家嘅憂慮，吳忻熹喺帖文中以輕鬆鬼馬嘅方式寫道：「大家今晚跑馬有冇心水？冇問我攞！我大把！有1 Litre! 😅😅🤣🤣」而喺hashtag中就寫住 #抽咗1Litre心水、#點解個心可以積咁多水、#肺又積水 等字眼，唔少網民睇完都留言為佢加油，亦有網民解釋積水問題，係乳癌患者常見會有轉移到心包膜同肺嘅情況，同時亦祝福佢早日康復。
抽咗1公斤積水嘅佢，笑言自己有大包「心水」。吳忻熹早前出席活動時神不俗。