歐遊注意！方媛米蘭落機被搶名牌手袋失證件財物 何天兒遊雅典打卡新手袋被偷走

歐洲旅遊旺季期間，又正值米蘭時裝周，容祖兒及蔡卓妍（阿Sa）等藝人前往當地，不少遊客趁機歐遊兼買名牌，天王嫂方媛（Moka）及前港姐何天兒都中招，天王嫂抵意大利即被搶手袋，而何天兒近日喺希臘旅遊亦遭遇類似情況，新手袋被人偷走咗。

天王嫂抵意大利即被搶手袋！
天王嫂方媛近日喺米蘭馬爾彭薩機場遇上賊匪，被搶走價值約3萬港元嘅黑色Dior手袋，幸好手機冇唔見，但係證件、銀行卡、相機及重要資料都被偷走，方媛已報警處理。

天王嫂方媛近日喺米蘭馬爾彭薩機場遇上賊匪，被搶走價值約3萬港元嘅黑色Dior手袋。
事後方媛喺社交平台發文：「剛到米蘭包被搶了，提醒大家看管好自己的所有貴重物品，包裡面有皮夾子和我所有的證件及銀行卡，還有一台相機，以及一些重要資料。還有機會找到嗎？」不少網民紛紛留言慰問方媛兼出謀劃策，希望佢能順利處理，將損失降到最，建議佢去警署報失拎一張證明，申報喺國外丟失貴重物品，回港再搵保險公司claim錢。

幸好手機冇唔見，但係證件、銀行卡、相機及重要資料都被偷走，方媛已報警處理。
方媛其後透露已報警處理，好在手機放咗喺口袋；而中國駐米蘭總領事館工作人員表示目前暫未接獲求助訊息，相關部門表示若公民喺海外遇到類似事件可以先報警。不少粉絲留言表示擔憂，指米蘭機場附近治安較為混亂，旅客應格外小心，以防遭遇類似情況，不少網民分享歐遊期間遭遇盜竊事件屢見不鮮。

而何天兒近日喺希臘旅遊亦遭遇類似情況，新手袋被人偷走咗。
而前港姐何天兒（前名何傲兒）近日喺希臘雅典旅遊時，亦慘變受害者，佢喺社交平台分享多張於古神殿遺址留影嘅相，見身穿橙紅色長裙嘅何天兒，孭住LOEWE新袋影靚相嘆美食打卡，點知佢喺影片透露名牌手袋已被偷走，最無奈係嗰個新袋只係用咗一日，當晚就被偷，令何天兒非常難過。

何天兒喺影片透露名牌手袋已被偷走，最無奈係嗰個新袋只係用咗一日，當晚就被偷。