劉嘉玲分享珍藏「大棉胎」500元舊鈔 紀念入行收到第一份人工

響應發鈔銀行160週年活動徵集故事活動，劉嘉玲特別分享一張收藏已久嘅「大棉胎」500元舊鈔同埋錢罌，而呢張舊版鈔票表面平平無奇，對於嘉玲嚟講就充滿回憶。

劉嘉玲騷伍佰元舊紙幣及舊錢罌。
嘉玲指呢張鈔票係佢1983年出道時，所賺嘅第一份人工收到嘅鈔票，佢特別留為珍藏紀念，嘉玲話當年人工只有2000元，所以一張500元鈔票係唔細嘅數目，佢話而家拎住張鈔票仍然勾起嗰份感動同回憶。

嘉玲指呢張鈔票係佢1983年出道時，所賺嘅第一份人工收到嘅鈔票，特別留為珍藏紀念。
關楚耀早前同太太拍拖去旅行睇極光，近日回港嘅關楚耀，就分享自己有緣份見到張十年前推出嘅150元紀念鈔，佢不停研究，拎住紀念鈔愛不惜手，仲好想銀行將來會再推出紀念鈔，等佢有機會可以擁有咁有價值嘅收藏品。

關楚耀分享自己有緣份見到張十年前推出嘅150元紀念鈔。
關楚耀不停研究，拎住紀念鈔愛不惜手。

而彭秀慧曬出一張珍藏嘅五元紙幣，透露佢出世當年、最後一代發行嘅五元紙幣，佢媽媽特地儲下留念。彭秀慧自稱係「五蚊紙世代」，引發網友驚呼：「原來彭導都咁大個！」翻查資料，香港五元紙幣於1975年開始停產，80年代開始逐漸不再流通；屬於最後一批「五蚊紙世代」嘅香港人，今年剛好踏入50歲。

彭秀慧曬出一張珍藏嘅五元紙幣，透露佢出世當年、最後一代發行嘅五元紙幣。