陶大宇自揭爆頭血濺大床險死事件 讚李珊珊勇敢保持良好心態面對一切

李珊珊早年患有驚恐症，因病情長留家中，獨自承受病患嘅折磨，多年嚟冇乜點見啲朋，幾乎絕跡江湖。珊珊近排選擇勇敢面對，終於重新面對人群，並開展佢嘅的事業，去年佢開設個人網上頻道，前晚邀請節目首位藝人嘉賓陶大宇駕到，為直播節目開咪，過程開心兼笑爆咪。

李珊珊前晚邀請節目首位藝人嘉賓陶大宇駕到，過程開心兼笑爆咪。
大宇爆當年為珊珊爆頭險死事件，更血濺大床，二人喺2002年因拍劇而結緣成為好友，不時喺朋友飯局或聚會上碰面，大宇當年與珊珊喺一個派對上玩猜枚對決，輸嘅一方要飲，大宇怕珊珊飲得多，主動幫忙頂酒杯杯清，來回對決已令大宇飲到失去知覺，最後唔記得點樣返屋企，凌晨半醒時覺得床單好濕，先驚見自己全床血，嚇到起身去廁所，佢意識到自己因醉酒起床去廁所時撞穿頭而不自知，滴住血返床繼續瞓，血就一直流，笑言慶幸未有流乾血而發生命案。

大宇怕珊珊飲得多，主動幫忙頂酒杯杯清，來回對決已令大宇飲到失去知覺，最後唔記得點樣返屋企。
大宇記得有次拍劇與珊珊一場被爆樽，因特約演員用錯位，扑穿咗大宇個頭，珊珊見狀嚇到「魂飛魄散」。 完成直播後，兩人爭取重聚時間，大宇讚珊珊狀態好，珊珊好感謝大宇兩肋插刀。大宇同珊珊十幾年冇見，睇最近報道覺得珊珊好叻、好勇敢，希望珊珊一直保持良好心態去面對一切。

大宇因醉酒起床去廁所時撞穿頭而不自知，滴住血返床繼續瞓，笑言慶幸未有流乾血而發生命案。
珊珊話節目從未諗過要請演藝界朋友做嘉賓，但近日諗起大宇，珊珊認為大宇係一個「安全區」嘅朋友，所以鼓起勇氣搵大宇撐場。