錢嘉樂支持舊愛李珊珊復出 被問再演情侶即尷尬笑

北上發展成為市場大趨勢，王祖藍及錢嘉樂早年喺內地崛起，呢日現身一個關注青年到內地發展嘅座談會分享，二人覺得現時內地發展成熟，係年青人嘅大好機遇。
王祖藍及錢嘉樂早前現身一個關注青年到內地發展嘅座談會。
祖藍早前喺結婚紀念日向太太李亞男送上驚喜，本來佢同老婆講去哈爾濱旅行要著好多冬天衫，查實係去馬爾代夫享受陽光與海灘，祖藍話有好大反差先會難忘，事前李亞男完全唔知，祖藍感謝工作人員、外傭及機場地勤攜手合作，一齊幫手呃李亞男。
錢嘉樂
錢嘉樂喺九十年代初已去內地發展，錢嘉樂指拍古裝片喺內地乜嘢場景都有，大讚內地資源及實力豐厚，講到舊愛李珊珊患上驚恐症，神隱多年後近日頻頻現身，計劃復出工作獲眾多好友支持，錢嘉樂都非常支持珊珊復出，盼望對方身體健康最重要。
王祖藍
被問將來有冇機會再合作，錢嘉樂就話要睇劇本，再被問再演情侶得唔得，錢嘉樂先係尷尬笑，再指呢個問題好複雜，不過一定支持佢復出。
李珊珊