古淖文夥聲夢歌手為慈善騷獻唱 搞笑向譚輝智下舞蹈戰帖

慈善節目《博愛歡樂傳萬家 2025》將於今個星期六（8號）晚舉行，節目雲集眾多表演嘉賓行善。中聲歌手古淖文、譚輝智，仲有一班聲夢戰友以及應屆港姐均有份參與其中。古淖文首次聯同聲夢學員一齊 crossover 歌舞演出，呢個組合唔單止夠創新，就連 German 都好期待。Gernan話最開心就係可以拉低平均年齡，令佢覺得自己後生咗唔少。

幾位歌手朋友將參加周六舉行嘅《博愛歡樂傳萬家》
而輝智就會扮演老夫子當中嘅重要角色，雖然係首度挑戰扮嘢，但輝智似乎就覺得冇咩難度，事關佢要扮嘅角色同佢真人性格好似，直頭可以算係本色演出。
輝智仲將會首次挑戰扮嘢

German唱得又跳得眾所周知，之前佢就向輝智下咗個dance challenge，講起點名輝智嘅原因，German就抵死話只要輝智都跳到，其他人就一定做到，輝智就即場承諾一定會練好隻舞。
German就挑機輝智，希望佢可以完成舞步

黃奕斌同一眾聲夢戰友就會夥拍視帝張振朗合唱，Hugo仲好驚訝得知原來前輩係參加新秀歌唱比賽入行。而劉詠彤、趙頌宜同黃洛妍對於可以參與大型慈善騷都覺得期待又興奮。

幾位年青一輩亦會共襄盛舉